Virusi i gripit që po qarkullon në Evropë këtë vit ka shënuar numër të lartë infektimesh, si pasojë e qarkullimit intensive të tij, duke filluar që në ditët e para të muajit dhjetor.
Por në Itali, virusi i gripit Australian është konsideruar mjaft agresiv duke shkaktuar problem të rënda në shëndet.
Mjekët infeksionistë i kanë bërë thirrje popullatës të mos ulë vigjilencën por të respektojë rregullat mbrojtëse, njësoj si në periudhën e pandemisë, duke përdorur maskë dhe duke u distancuar në vendet e mbushura me njerëz si dhe duke larë shpesh duart.
“Me pak fjalë, është e ndaluar të ulni vigjilencën, duke pasur parasysh se virusi i gripit zakonisht transmetohet përmes pikave të pështymës që lëshojnë personat e infektuar me kollë dhe teshtitje, por edhe gjatë një bisede të thjeshtë. Dhe pastaj janë kontaktet me duart, të cilat mund të prekin objekte të kontaminuara”, thonë mjekët.
Mjekët këshillojnë se nëse prekeni nga gripi, zgjidhja më e mirë është gjithmonë të qëndroni në shtrat dhe të pushoni për disa ditë.
“Virusi i gripit që qarkullon sot në Itali – shpjegon Fabrizio Pregliasco, virolog dhe drejtor mjekësor i Spitalit IRCCS Galeazzi në Milano – shkaktoi sezonin më të keq të gripit në Australi gushtin e kaluar në 5 vitet e fundit.
Tani, difuzioni po rritet këtu dhe i ftohti shtyn përshpejtuesin. Varianti i këtij viti është shumë i frikshëm”, shprehet ai.
a.m/dita
