Mbi 30 minuta fjalim, i mbushur me shfajësime, “larje duarsh”, akuza dhe shumëçka tjetër rreth çështjes së “SHISH”-it. Kjo ishte panorama e deklaratës së Ramës në Aeroportin e Rinasit.
Edhe pse e regjistruar dhe kush e di pas sa provash në prapaskenë, u duk qartë nervozizmi i Ramës. Duke qenë se mimika dhe nervat mund ta tradhtonin gjatë deklaratës, Rama zgjodhi ta bënte atë jo “live” dhe pa praninë e gazetarëve, duke ngritur edhe më shumë dyshime mbi atë se çfarë përmban dosja e “SHISH”-it.
Në media janë hedhur dyshime se emri i tij ka dalë në mesazhet e kapura mes Agasit dhe Hysenit. Duke pasur lidhje si me Vlora Hysenin, ashtu edhe me Agasin, Rama nuk dëshiron që bisedat e tyre dhe ato më pas bëhen publike e dalin në media, siç ka ndodhur me dosje të mëparshme. Për këtë arsye, kreu i qeverisë, gjatë fjalës së tij, akuzoi SPAK-un për zbulimin e sekretit hetimor, si dhe për përdorimin e mediave për shpërndarjen e tij.
Në përgjithësi nga reagimet e medias lihet të kuptohet se 34 minutat e Ramës, në vend që të shuanin pikëpyetjet, duket se prodhuan të tjera.
