Samiti Ukrainë-BE do të zhvillohet të premten më 3 shkurt në Kiev.
Lajmi është dhënë nga kryeministri i Ukrainës Denys Shmygal, gjatë takimit të Qeverisë të martën.
Ai tha se kjo ngjarje është “jashtëzakonisht e rëndësishme” për synimin e Kievit që të anëtarësohet në bllokun evropian.
“Fakti që ky samit do të mbahet në Kiev është një sinjal i fuqishëm edhe për partnerët, edhe për armiqtë”, theksoi Shmygal.
Bashkimi Evropian ende nuk ka dhënë detaje se kush do të marrë pjesë në këtë samit.
