Dje kishte një mungesë të rëndësishme nga darka e liderëve të vendeve të NATO-s në Vilnius të Lituanisë. Presidenti amerikan Joe Biden, sipas mediave të huaja, nuk ka marrë pjesë në darkë dhe është nisur drejt hotelit të tij.
Një zyrtar amerikan i pyetur për mungesën e tij foli për një “orar të ngjeshur” përgjatë katër ditëve të fundit dhe shtoi se Biden po përgatitej për një “fjalim të madh”.
Mungesa e presidentit amerikan në darkë vjen vetëm disa orë pasi ai u takua me homologun e tij turk Rexhep Tajip Erdogan.
Nga kjo kuptohet se nuk ka çështje të rëndësishme pezull për të cilat liderët e huaj do të diskutojnë gjatë vaktit.
Duhet theksuar se sot, të mërkurën, Presidenti amerikan do të takohet me presidentin e Ukrainës, Volodymyr Zelenskyy.
j.l./ dita
