Kampionët e Botës janë kthyer në fushë. Argjentina do të përballet me Ekuadorin për një sfidë që tashmë vlen shumë, në funksion të kualifikimeve për Botërorin 2026.
Ndërkohë vlen të theksohet se Kupa e Botës 2026 është një temë shumë e rëndësishme te Argjentina, pasi ende nuk dihet nëse Lionel Messi do të marrë pjesë në të.
I pyetur për këtë çështje, trajneri Lionel Scaloni deklaroi: “As nuk e di nëse do të jem unë atje. Ose nëse Argjentina kualifikohet… E di që Messi do të bëjë më shumë se sa mundet për të luajtur, ai nuk ka qëllime të tjera. Për ne, ta kemi atë në fushë është e rëndësishme, nuk ka arsye për ta nxituar. Për respekt, pyes: a jemi tashmë të kualifikuar në Kupën e Botës? Jo. Pra, si e dimë nëse njëri prej nesh do të jetë atje? Sido që të jetë, ne të gjithë e duam atë atje”.
Kujtojmë se formati i ri me 48 skuadra i lejon Amerikës së Jugut, CONMEBOL kualifikimin e 6 skuadrave direkt dhe një e shtatë me play-off, nga 10 ekipe që ka gjithsej kontinenti dhe kualifikimi i albicelestëve duket se është vetëm një formalitet.