Sekretari amerikan i Shtetit Marco Rubio konfirmoi se do të jetë drejtues i Agjencisë Amerikane për Zhvillim Ndërkombëtar (USAID), post që më herët e ka mbajtur Jason Grey.
Rubio e bëri njoftimin teksa po pyetej nga gazetarët në El Salvador.
“USAID nuk po funksionon. Duhet të përafrohet me politikën e SHBA. Duhet të jetë në përputhje me interesin kombëtar të SHBA,” tha ai. “Ata nuk janë një shoqatë bamirësie globale, këto janë dollarë të taksapaguesve. Njerëzit bëjnë pyetje të thjeshta. Çfarë po bëjnë ata me paratë? Ne po shpenzojmë paratë e taksapaguesve. Ne u detyrohemi taksapaguesve garancitë se kjo çon përpara interesin tonë kombëtar”, u shpreh Rubio.
“Unë jam ushtrues detyre”, pohoi ai kur u pyet nëse është ai tani në krye. “Qëllimi ynë ishte të lejonim ndihmën tonë të huaj për interesin kombëtar. Kanë kaluar 20 apo 30 vjet. Ata janë përpjekur ta reformojnë. Kjo nuk do të vazhdojë.”
Punonjësit e USAID-it u udhëzuan këtë të hënë të qëndronin jashtë selisë së agjencisë në Uashington pasi Elon Musk njoftoi se Presidenti Donald Trump kishte rënë dakord me të për mbylljen e agjencisë. Mijëra punonjës të USAID-it tashmë ishin pushuar nga puna dhe programet ishin mbyllur.
i.b./dita
30 vjet mafiokraci ne shqiperi dhe kjo fature i shkon shba-ve
Tani i dashur rubio te del ty per detyre te zbulosh nese usaid ne shqiperi ishte organizate kriminale qe me kostum8n e amerikes benin pazaret e veta apo llogarine e amerikes
Sepse me thene te drejten ajo qe prodhoi mbeshtetja e usaid ne shqiperi eshte nje vend qe per 30 vjet iku 70% e popullit
Meqe tramp ka ardhur ne fuqi pikerisht per te luftuar keto qarqe le te shpresojme
Ti te behesh komandant i USAIDIT edhe i OKB se se une ketyre Fondacioneve i kam pare vetem veturat .Keputja zorren Qylerave!
USAID eshte thjesht nje perde per operacionet klandestine te CIA-as, neper Bote. Pas USAID qendron CIA. Ky eshte dhe realiteti rreth USAID.
Pse bllokohet e drejta per te komentuar te menderja grennell?