Ka sërish tensione dhe përplasje në sallën e parlamentit të Kosovës. Përfaqësuesit e opozitës janë sërish të tensionuar ndërsa kanë bllokuar foltoren e Kuvendit.
Siç shihet edhe nga pamjet, disa prej tyre mbajnë në duar pankarta në të cilat shkruhen “Zdravo Albin”, “Zdravo Kusari”.
Në një moment shihet teksa njëri nga deputetët gjuan me shishe ndaj kryeparlamentarit Glauk Konjufca. Edhe më herët pati përplasje mes maxhorancës dhe opozitës në Kosovë.
Deputetët refuzuan të dëgjonin fjalimin e kreut të qeverisë së kosovës, pasi vetëm një ditë më parë, shefja e grupit parlamentar të partisë në pushtet u dëgjua në përgjime duke biseduar me deputet të Listë Serbe për veteranët e UÇK-së.
