I cilësuar si “Special One”, tekniku kontrovers portugez shihet si një nga kandidatët potencialë për skuadrën e sheikëve në Francë. ‘Radio Monte Carlo’ raportoi sot se: “Luis Campos (këshilltar sportiv i Paris Saint-Germain), ka biseduar me menaxherin e José Mourinhos për emërimin e portugezit në stolin e gjigantëve parizienë që këtë verë. Trajneri i Romës është mjaft i interesuar për të drejtuar PSG-në”.
“RCM Sport”, nga ana tjetër, publikon se PSG po “përshpejton” negociatat për të mbyllur nënshkrimin e Mourinhos, një bast personal i Luis Campos, i cili e njeh portugezin që në Portugali. Fabrice Hawkins bën me dije se “negociatat mes Campos dhe menaxherit të trajnerit portugez, Jorge Mendes kanë avancuar ndjeshëm”.
