Një sherr ka ndodhur mes të burgosurve në burgun e Kordyallos në Greqi.
Siç bëjnë me dije mediet greke, një i burgosur 28-vjeçar ka sulmuar me thikë të bërë vetë një të burgosur me origjinë shqiptare, të cilin e ka plagosur në qafë, gjoks dhe krah.
Të burgosurit e tjerë në momentin e sherrit kanë ndërhyrë dhe kanë plagosur autorin e sulmit në trup e kokë.
Oficerët e burgut që panë sherrin, ndërhynë dhe neutralizuan 28-vjeçarin i cili mbante në dorë një thikë dhe një celular të thyer.
52-vjeçari nga Shqipëria dhe autori i ngjarjes u dërguan në spitalin e burgut ku iu dha ndihma e parë.
p.k\dita
