Pas gati 5 muajsh, ka marrë fund arratia për Henri Gjapin, të riun që në 31 mars të këtij viti i mori jetën një 46-vjeçari, pas një sherri.
Autori është vënë në prangat e policisë mëngjesin e kësaj të marte, teksa ndaj tij rëndon akuza për veprën penale “Vrasje nga pakujdesia”.
26-vjeçari, për motive ende të paditura, është konfliktuar me Gentian Taljan, i cili për shkak të dëmtimeve është dërguar në spital, për ndihmë mjekësore, ku më pas ka ndërruar jetë.
Njoftimi i policisë:
Gjatë verifikimit të gjenealiteteve, në hyrje të RSh-së, u vu në pranga një shtetas i shpallur në kërkim për “Vrasje nga pakujdesia”.
H. Gj., 26 vjeç, banues në Tiranë ishte shpallur në kërkim, pasi Gjykata e Shkallës së Parë e Juridiksionit të Përgjithshëm Tiranë, i ka caktuar masën e sigurisë “Arrest në burg”, për veprën penale “Vrasje nga pakujdesia”.
Më datë 31.03.2023, në rrugën “Vaso Pasha”, shtetasi H. Gj. është konfliktuar me shtetasin G. T., 46 vjeç, i cili për shkak të dëmtimeve është dërguar në spital, për ndihmë mjekësore. Si pasojë e dëmtimeve, 46-vjeçari ka ndërruar jetë në spital”.
p.k\dita
