Dy familje janë konfliktuar me njëri-tjetrin mesditën e kësaj të diele në Hamallaj, për çështje pronësie. Në sherr janë përfshirë 6 persona, mes tyre edhe një punonjës i Gardës.
Gjatë konfliktit, ky i fundit ka qëlluar në ajër, me armën e shërbimit, ku për fat të mirë nuk ka pasur persona të lënduar.
Policia bën me dije se 6 personat janë shoqëruar në komisariat, ku po merren në pyetje.
Sherri ka qenë për një rrugë kalimi. Garda ka njoftuar pezullimin e punonjësit të saj.
Hamallaj njihet për investimet në rezidencat e vilave dhe banesave të organizuara në fshatra turistikë, përgjatë gjirit zonal të detit Adriatik që shkon deri në Lalz dhe Kepin e Rodonit.
Njoftimi i Policisë
“Rreth orës 11:30, në Hamallaj, dyshohet se për motive pronësie, janë konfliktuar duke përdorur mjete të forta, anëtarët e një familjeje, shtetasit P. K., K. K. dhe S. K., me anëtarët e një familjeje tjetër, shtetasit A. N., P. K. dhe M. N.
Gjatë konfliktit dyshohet se shtetasi M. N., punonjës i Gardës, ka qëlluar në ajër, me armën e shërbimit. Nga të shtënat nuk është dëmtuar asnjë person.
Shërbimet e Policisë, sapo kanë marrë njoftim, kanë shkuar menjëherë në vendngjarje dhe kanë bërë të mundur shoqërimin e të gjithë personave të përfshirë në konflikt, në Komisariatin e Policisë Durrës.
Grupi hetimor vijon punën për zbardhjen dhe dokumentimin e plotë të rrethanave të konfliktit.
Në përfundim të veprimeve të para hetimore dhe procedurale, do të ketë njoftim të plotë”.
Nikolli i Lindites… nepotizmi, me prepotencen dhe arrogancen tipike antiqytetare, semundje e pasherueshme te ruralet.Fisi Felaj eshte gjithashtu nje konfirmim i dobesise ndaj kesaj semundjeje. Uroj sherim te shpejte, per te miren e qytetarise dhe qyteterimit!
Ilir – komenti juaj konciz eshte i drejte, i vertete dhe i nivelit class, ashtu si duhet te jeni dhe vete. Bravo!
Ilir – E keqja e arrogances antiqytetareve nuk eshte vetem tek ruralet (fshataret) shqiptare, eshte edhe tek policet, shefat, drejtuesit, prokuroret, gjyqtaret. Miresine dhe miresjelljen, kulturen qytetare e marrin per dobesi. Eshte padrejtesi ndaj kafsheve te verteta ti quash kafshe keta njerez. Shqiptaret mund te permiresohen dhe te civilizohen deri diku vetem pas nja 50 a me shume vitesh.