Qeveria britanike po shqyrton mundësinë e rivendosjes të kufizimeve për frenimin e përhapjes së COVID-19. Mediat britanike citojnë zyrtarë të lartë të Departamentit të Shëndetësisë, të cilët thonë se kufizimet mund të rivendosen për të frenuar dyndjet e pacientëve në spitale që mund të çojnë në kolaps repartet e terapisë intensive.
Shtrimet në spitale në Britaninë e Madhe, këto ditë arritën në nivelin më të lartë që pas Prillit, kur u shënua edhe kulmi i valës së përhapjes së Omikronit. Rikthimi i maskave në ambiente të brendshme e të jashtme shihet si një prej masave të para që mund të rikthehen, e po ashtu edhe testimet me detyrim për hyrje në ambiente të ndryshme publike.
Tendencë rritjeje, infektimet e reja me koronavirus ka në gjithë globin por kryesisht në Europën që ndodhet në kulmin e sezonit turistik, e ku masat anti-COVID në shumicën e vendeve janë hequr.
