Detaje të reja kanë dalë në dritë nga përplasja me armë zjarri në Peqin, ku paraditen e kësaj të marte Sokol Dehima, 52 vjeç, plagosi me armë Diell Çelën 55 vjeç. Çela mësohet të ketë qenë ish-kreu i PD për Peqinin. Ai është kërcënuar me jetën edhe në shkurt të vitit 2016.
Sipas burimeve nga policia ngjarja nuk ka prapavijë politike, por ka lidhje me detyrën e bashkëshortes së tij si drejtoreshë e spitalit të Peqinit. Bashkëshortja e Çelës mësohet se ka larguar nga puna gruan e Dehimës dhe për këtë arsye kanë lindur konfliktet. Ky i fundit ka amrrë armën e zjarrit dhe e ka lënë të plagosur. Grupi hetimor, në drejtimin e Prokurorisë, po punon për zbardhjen e rrethanave të plota të ngjarjes dhe arrestimin e autorit të dyshuar.
