Një tjetër fundjavë pozitive ishte ajo që lamë pas për legjionarët shqiptarë që luajnë jashtë kufijve.
Portali i njohur i statistikave, “Sofascore” sjell për lexuesit e “Panorama Sport” pesë legjionarët me vlerësimet më të larta.
Në vendin e parë renditet Keidi Bare me notën 7.6 për performancën e mirë në fitoren ndaj Mirandes në La Liga 2. Po me të njëjtën notë është vlerësuar edhe Lindon Selahi i cili luan tek Rijeka.
Berat Gjimshiti pozicionohet në vendin e 3-të me notën 7.4 për fitoren ndaj Sasuolos. Myrto Uzuni shënoi golin e 7-të në kampionat ditën e djeshme ndaj Almeria dhe renditet në vendin e 4-të. Lirim Qamili renditet në vendin e fundit me notën 7.3.
j.l./ dita
