Një gazetar, një vajzë nëntë vjeçare dhe një vajzë 20 vjeçare janë qëlluar për vdekje pranë Orlando, Florida, pranë skenës së një krimi që ndodhi disa orë më parë.
Një tjetër gazetar dhe nëna e vajzës së vogël mbetën të plagosura nga i njëjti person i armatosur, tha policia në një deklaratë.
Një 19-vjeçar, i identifikuar si Keith Melvin Moses është arrestuar nga policia në Florida nën akuza për vrasje.
Dy gazetarët e Spectrum News 13 po mbulonin vrasjen e një gruaje në zonë atë mëngjes kur autori filloi të qëllonte.
I riu i arrestuar pritet të akuzohet për katër të shtëna të tjera që ndodhën më vonë gjatë ditës, duke përfshirë vrasjen e gazetarit. Ai ka të shkuar kriminale që përfshin akuza për armë, sulm të rëndë dhe sulm me një armë vdekjeprurëse.
Ende nuk dihet arsyeja përse i riu shënjestroi personat që u qëlluan me armë.
Asnjë nga tre personat e vrarë në dy sulmet e së mërkurës në Pine Hills, një periferi në perëndim të Orlandos, nuk është identifikuar ende.
j.l./ dita
