Në Hamburg të Gjermanisë u hodh shorti për fazën finale të Europianit 2024.
Kuqezinjtë mësuan tre kundërshtarët që do të kenë në grup, sipas vazove përkatëse që janë ndarë në përfundim të kualifikueseve.
Shqipëria do ndeshet me Spanjën, Italinë dhe Kroacinë, të treja skuadra shumë të forta.
Ndeshja e parë e kuqezinjve do jetë me Italinë në 15 qershor, ditën e dytë të Europianit.
Tre ndeshjet e Shqipërisë do zhvillohen në Dortmund, Hamburg dhe Dyseldorf.
JA SI U NDANË GRUPET:
GRUPI A: Gjermani, Skoci, Hungari, Zvicër
GRUPI B: Spanjë, Kroaci, Itali, Shqipëri.
GRUPI C: Slloveni, Danimarkë, Serbi, Angli.
GREPI D: Play-off A, Holandë, Austri, Francë
GRUPI E: Belgjikë, Sllovaki, Rumani, Play-off B
GRUPI F: Turqi, Play-off C, Portugali, Çeki
Ekipi i Silvinjos pasi mbaroi ndeshjet kualifikuese në vendin e parë, u pozicionua në vazon e dytë, bashkë me kombëtaret e Danimarkës, Hungarisë, Turqisë, Rumanisë dhe Austrisë.
Në vazon e parë ishin: Gjermania, Anglia, Franca, Spanja, Belgjika dhe Portugalia. Në të tretën: Holanda, Skocia, Sllovenia, Sllovakia, Kroacia dhe Çekia. Ndërsa në vazon e katërt: Italia, Serbia dhe Zvicra deri tani, si edhe tri vendet e “playoff”-it.
Tri vende do të vendosen nëpërmjet fazës “playoff” që do të mbahet në mars 2024.
Euro 2024 do të luhet në 10 qytete të Gjermanisë nga 14 qershori deri më 14 korrik.
a.c./dita
