Një grua u trondit kur zbuloi se shtëpia e saj e re me katër dhoma gjumi dhe dy banjo, në Centennial, Kolorado, ishte e infektuar me gjarpërinjtë, sipas “Denver7 News”.
Në më pak se dy javë, Amber Hall pikasi 10 gjarpërinj që rrëshqitnin brenda mureve të garazhit të saj.
Hall tha se ajo së pari i zbuloi vizitorët e padëshiruar, kur qeni i gjeti në murin e pasmë të garazhit të saj.
Ajo e pa gjarprin e parë të mbështjellë pranë derës, në një të çarë në mur. Kur vendos dorën sipër murit, ajo mund të ndjejë ngrohtësi që beson se buron nga më shumë gjarpërinj që janë brenda mureve, sipas Denver7.
“Unë dhe fëmijët e mi kemi frikë të flemë në shtretërit tanë dhe kemi frikë të përdorim tualetin, sepse gjarpërinjtë mund të dalin nga tualetet”, tha ajo.
Që atëherë, nëna 42-vjeçare ka shpenzuar rreth 1.000 dollarë për të punësuar një gjuajtës gjarpërinjsh, për t’i larguar në mënyrë njerëzore ‘mysafirët e paftuar’ nga shtëpia.
Bazuar në madhësinë e gjarpërinjve, disa mund të kenë jetuar brenda në muret e kësaj shtëpie për të paktën dy vjet, tha Hall.
Kompania e pasurive të paluajtshme, nëpërmjet të cilës u ble shtëpia, mohoi të kishte dijeni për zvarranikët.
“Kjo është shtëpia ime e parë. Kam punuar gjithë jetën për të dhe nuk mund ta shijoj. Fëmijët e mi mund ta shijojnë atë. Unë jam frikësuar për vdekje”, tha Hall.
