Ministri i Brendshëm, Ervin Hoxha garantoi të gjithë punonjësit e policisë së shtetit se do të marrin shpërblimin si dhe pagesat për orët shtesë.
Nga pika kufitare e Kakavijës, ai iu përgjigj interesit të gazetarëve, duke thënë se ditën e hënë “Ministria e Brendshme ka bërë një propozim për heqjen e kritereve dhe përjashtimit të Policisë së Shtetit sa i përket një kriteri i cili vitet e tjera nuk ka qenë i realizuar për shkak të buxhetit”.
Sipas tij ditën e hënë Këshilli i Ministrave do të miratojë aktin dhe projekt-vendimin, të cilin ata e kanë propozuar për dhënien e shpërblimit të punonjësve të Policisë së Shtetit.
Pyetje: A jeni në dijeni të ankesave të efektivëve të policisë që ende nuk kanë marrë lekët e shpërblimit, ato për orët shtesë. Çfarë do të ndodhë për këta?
Ministri Hoxha: Ministria e Brendshme ka bërë një propozim për heqjen e kritereve dhe përjashtimit të Policisë së Shtetit sa i përket një kriteri i cili vitet e tjera nuk ka qenë i realizuar për shkak të buxhetit.
Unë besoj se të hënën, Këshilli i Ministrave do të miratojë aktin dhe projekt-vendimin, të cilin ne e kemi propozuar për dhënien e shpërblimit të punonjësve të Policisë së Shtetit.
Orët shtesë dhe suplementare janë të gjitha të parashikuara në Aktin Normativ, i cili është miratuar dhe të gjitha orët shtesë do të jepen sipas parashikimeve ligjore. Nuk ka asnjë keqkuptim e mosrakordim të strukturave dhe të projekt-vendimeve të dala nga qeveria në raport me dhënien e shpërblimit dhe orëve suplementare të Policisë së Shtetit. Çdo gjë është sipas asaj që neve kemi thënë dhe çdo gjë do të ndodhë sipas këtyre vendimeve të parashikuara në ligjin përkatës.
Ministri i Brendshëm Ervin Hoxha dhe Drejtori i Përgjithshëm i Policisë së Shtetit Ilir Proda zhvilluan një vizitë inspektuese në Pikën e Kalimit Kufitar Kakavije, që lidh Shqipërinë me Greqinë, për lehtësimin e lëvizjes së qytetarëve në dy anët e kufirit. Ata u takuan me autoritetet vendore dhe më pas takuan përfaqësues të policisë greke në Qendrën e përbashkët të Koordinimit.
j.l./ dita
Sa më shumë që rritet paga, aq më shumë rriten çmimet, paga reale nuk ndryshon(sasia e mallrave që merr është e njëjta) pra nuk kemi rritje mirëqënie, por ulje e nivelit të mirëqënies në rastin kur rritja e çmimeve është e konsiderueshme.
Ndërsa për politikanët, prokurorë, gjyqtarë (kush ka abuzuar, pra korruptuar) ka bërë pasuri të paluajtshme, ka siguruar veten dhe brezat ndërsa qytetarët varfërohen, me breza nuk do të sigurojnë një stehëz. (por do t’i grabisin ashtu siç bëri sistemi i mikrokredive me qytetarët që njëri përfundoi në vetëvrasje)
Këtu nuk përjashtohen oligarkët dhe bankat që shtypin dhe shfrytëzojnë qytetarët.
Ky është realiteti se aparenca është parajsë.