Dy gazetarë, që raportonin për Shërbimin Azer të Zërit të Amerikës, Idrak Jamalbeyli dhe Seymur Shikhaliyev morën plagë nga predhat të shtunën, kur ranë në një kurth të lënë nga ushtarët rusë, raporton VOA.
Anëtarët e ekipit të Zërit të Amerikës u plagosën ndërsa po raportonin në llogoret që ishin pushtuar më parë nga Rusia, pranë fshatit Myrne në rajonin ukrainas të Mykolaivit.
Vullnetarët ukrainas po i tregonin ekipit të Zërit të Amerikës llogore të gjera të gërmuara nga trupat ruse në zonë kur kurthi i lënë pas nga ushtarët rusë shpërtheu duke plagosur gazetarët.
Jamalbeyli u plagos në këmbë ndërsa gazetari tjetër, Shikhaliyev në krah. Ata janë duke u rikuperuar nga plagët e marra.
Një nga vullnetarët ukrainas mori plagë të lehta në fytyrë.
j.l./ dita
