Detaje të reja janë mësuar në lidhje me shpërthimin në flakë të autobotit në një karburant në autostradën Tiranë-Durrës.
Në momentin e depozitimit të naftës ka shpërthyer në flakë, që ka sjellë plagosjen e dy punonjësve.
5 zjarrfikëse kanë vënë nën kontroll flakët, që rrezikonin dhe shpërthimin e depozitës kryesore.
Dyshohet se pesioni dhe temperaturat e larta kanë bërë që të ketë shkëndije. Janë evakuuar personat në pikën e karburantit, ndërsa të lënduarit ndodhen në spital.
Grupi hetimor po punon për zbardhjen e rrethanave të ngjarjes.
Njoftimi i policisë:
Rreth orës 14:00, në autostradën Durrës-Tiranë, në një pikë karburanti, është përfshirë nga flakët një automjet që transporton karburant.
Për pasojë janë lënduar shtetasit Xh.K., 20 vjeç, banues në Kamëz dhe shtetasi E.P., rreth 35-vjeç, (të dy punonjës të karburantit), të cilët janë trasportuar në spital për ndihmë mjekësore.
Ndërhyrja në kohë e shërbimeve zjarrfikëse dhe Policisë ka izoluar flakët duke shmangur përfshirjen nga zjarri të çisternave me karburant.
Shërbimet e Policisë evakuan në kohë, personat e tjerë që ndodheshin rreth zonës në rrezik.
Zjarri është shuar tërësisht dhe lëvizja e mjeteve në të dy krahët e autostradës po vijon normalisht.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
i.b./dita
