Shqipëria ka dënuar sulmin e fundit të grupit Huthi ndaj Arabisë Saudite, duke shprehur solidaritet me popullin dhe autoritetet saudite. Në një reagim në rrjetin social X, ministri për Evropën dhe Punët e Jashtme, Ferit Hoxha, e cilësoi sulmin si një kërcënim për stabilitetin rajonal.
Ai theksoi se sulmet ndaj civilëve dhe infrastrukturës civile nuk mund të justifikohen. Hoxha paralajmëroi se sulmet e përsëritura të rebelëve Huthi të mbështetur nga Irani, rrezikojnë jetën e civilëve dhe minojnë përpjekjet për paqe dhe siguri në rajon.
“Shqipëria dënon në termat më të fortë sulmin e fundit me pasoja në jetë njerëzish të grupit Huthi kundër Mbretërisë së Arabisë Saudite. Sulmet e përsëritura nga rebelët Huthi, të mbështetur nga Irani, përbëjnë një kërcënim të drejtpërdrejtë për stabilitetin rajonal, rrezikojnë jetën e civilëve dhe minojnë përpjekjet për të nxitur paqen dhe sigurinë në rajon.
Nuk mund të ketë asnjë justifikim për sulmet ndaj civilëve dhe infrastrukturës civile. Përgjegjësit duhet të mbajnë përgjegjësi. U shprehim ngushëllimet tona më të thella familjeve të viktimave dhe solidaritetin tonë të plotë me popullin dhe autoritetet e Arabisë Saudite”, shkruan ministri Hoxha.
Albania condemns in the strongest terms the latest deadly Houthi attack against the Kingdom of #Saudi Arabia.
The repeated attacks by the #Houthis, an #Iran proxy, pose a direct threat to regional stability, endanger civilian lives, and undermine efforts to promote peace and security in the region.
There can be no justification for attacks against civilians and civilian infrastructure. Those responsible must be held accountable.
We extend our deepest condolences to the families of the victims and express our full solidarity with the people and authorities of Saudi Arabia. 🇦🇱🇸🇦
— Ferit Hoxha🇦🇱 (@HoxhaFer) October 11, 2026
j.l./ dita
