Shqipëria ka marrë miratimin për mbylljen e negociatave për Kapitullin 20 të procesit të anëtarësimit në Bashkimin Europian.
Lajmi është bërë i ditur nga kryeministri Edi Rama, përmes një postimi në rrjetet sociale.
Rama e ka cilësuar këtë si një hap të rëndësishëm drejt realizimit të objektivit të anëtarësimit të Shqipërisë në Bashkimin Europian.
Kryeministri shkruan se avancimi në këtë kapitull pritet të forcojë perspektivën e vendit për investime, inovacion, rritje të konkurrueshmërisë dhe krijimin e vendeve të reja të punës.
“SHQIPËRIA MBYLL KAPITULLIN E KATËRT, nis numërimi mbrapsht i kohës drejt objektivit historik. Drita jeshile nga BE për mbylljen e negociatave të Kapitullit 20 forcon perspektivën për investime, inovacion, konkurrueshmëri dhe punësim”, shkruan Rama.
j.l./ dita
