Presidenti i Komitetit Olimpik Kombëtar Shqiptar, Fidel Ylli, në një intervistë në emisionin “Sport Zone”, zbuloi se në Shqipëri do të ndërtohet një stadium i ri, me 41 mijë vende, pasi sipas tij, “Air Albania” është shumë i vogël për sukseset e kombëtares kuqezi.
Ylli zbuloi edhe detaje të projektit, duke thënë se do të jetë një qendër olimpike moderne.
“Air Albania” është me 22 mijë vende dhe është shumë i vogël për rezultatet që ka Shqipëria. Dua ta falënderoj Armand Dukën, për arritjen më të madhe, siç është UEFA. Futbolli është sport popullor dhe ka nevojë për 1 ose 2 stadiume të mëdha. Do të jetë një qendër nga më modernet në botë.
Kanë të drejtë të jenë skeptikë njerëzit. Megjithatë duhet të dinë, që KOKSH, tashmë ka një tjetër timonier, që ëndrrat i bën realitet. Çfarë kemi ëndërruar i kemi bërë realitet.
Gjërat kanë ndryshuar në sport. Po flitet çdo ditë për sportin. Stadiumi 22 mijë, ndërsa këtu kishin ardhur 200 mijë. Ne po bëjmë një qendër olimpike moderne. Do ketë një stadium me 41 mijë e 508 vende.”, deklaroi Fidel Ylli.
p.c. / dita