Hakeri 18-vjeçar shqiptar përgjegjës për zbulimine pamjeve të video-lojës së papublikuar “GTA 6” ka marrë një dënim të rëndë.
Ai do të duhet të qëndrojë në spital, për një periudhë të pacaktuar, ndoshta gjithë jetën derisa mjekët të mos e konsiderojnë më si kërcënim.
Arion Kurtaj është me autizëm dhe një vlerësim i shëndetit mendor konkludoi se ai “vazhdon të shprehë synimin për t’iu rikthyer sa më shpejt krimit kibernetik. Ai është shumë i motivuar”.
Kurtaj hakoi serverat e “Rockstar Games” duke përdorur vetëm një televizor hoteli, një Amazon Firestick dhe telefonin e tij celular. Kjo për shkak se laptopi i tij ishte konfiskuar më parë nga autoritetet për shkak të sulmit ndaj kompanisë Nvidia dhe BT/EE.
Kurtaj publikoi pamje nga video-loja e shumëpritur kur ishte në zhvillim e sipër, e pritej të publikohej.
Ai ishte pjesë e grupit të hakerave Lapsus$ dhe është arrestuar disa herë qëkur ka qenë fëmijë.
a.c./ dita
