Presidenti amerikan Donald Trump planifikon të vizitojë Arabinë Saudite në maj. Siç raportohet Trump në udhëtimin e tij të parë jashtë vendit gjatë mandatit të tij të dytë ka planifikuar gjithashtu ndalesa në Katar dhe Emiratet e Bashkuara Arabe.
“Presidenti do të shkojë në Arabinë Saudite në maj. Sa për datat dhe detajet specifike, ne do t’jua njoftojmë ato sa më shpejt të jetë e mundur”, tha zëdhënësja gjatë një konference për shtyp.
Për më tepër, e pyetur nëse një armëpushim në Ukrainë dhe Gaza do të ishte një parakusht për udhëtimin e tij, zëdhënësja e Shtëpisë së Bardhë sqaroi se SHBA vazhdon të punojë drejt një armëpushimi në Ukrainë. Megjithatë, Trump nuk pohoi të njëjtën gjë për Gazën, duke theksuar se SHBA-të mbështesin Izraelin.
Trump, duke përsëritur deklaratat që bëri në fillim të marsit, tha se udhëtimi i tij në Arabinë Saudite do të ishte për të nënshkruar një marrëveshje investimi me vlerë më shumë se 1 trilion dollarë në ekonominë amerikane, duke përfshirë blerjet e pajisjeve ushtarake. Ai përmendi gjithashtu se marrëveshje të ngjashme do të nënshkruhen në Katar dhe Emiratet e Bashkuara Arabe.
j.l./ dita
