Vatra e zjarrit në Parkun Kombëtar të Prespës është shuar plotësisht. Kështu ka njoftuar prefektura e Qarkut Korçë ku bën me dije se situata në të gjithë qarkun paraqitet e qetë.
Gjithashtu thuhet se nuk raportohen problematika që lidhen me emergjenca civile apo zjarre aktive në zonat e tjera të qarkut.
Strukturat përgjegjëse të emergjencave civile, shërbimet zjarrfikëse dhe ato të pyjores ndodhen në terren për monitorimin e zonave të prekura, për të siguruar që nuk ka riaktivizim të vatrave.
Ndryshimi i kushteve atmosferike, ulja e temperaturave dhe reshjet e shiut në disa vende kanë ndihmuar në neutralizimin e situatës nga zjarret, ndonëse flakët vijojnë në zona të ndryshme të vendit.
j.l./ dita
