Në Këshillin e Lartë të Prokurorisë ka vijuar seanca dëgjimore për zgjedhjen e drejtuesit të ri të Prokurorisë së Posaçme, SPAK, ku në garë janë katër kandidatë: Adnan Xholi, Doloreza Musabelliu, Elvin Gokaj dhe Klodian Braho.
Pas paraqitjes së platformës nga kandidati i parë, Adnan Xholi, tani ka nisur para trupës së KLP-së prezantimin e saj kandidatja Doloreza Musabelliu.
Musabelliu pritet të paraqesë vizionin dhe prioritetet e saj për drejtimin e SPAK.
Musabelliu mori disa pyetje nga anëtarët e Këshillit të Lartë të Prokurorisë.
Njëra prej tyre, Arta Mandro e pyeti sesi do ta trajtonte nëse ajo i shkonte në zyrë për një çështje personale të saj.
Përgjigja e Musabelliut duke pyetur se “favorin do ta kërkoni apo jo kundrejt shpërblimit”, fillimisht shkaktoi të qeshura, por më pas ajo sqaroi se e bëri këtë pyetje për të përcaktuar nëse ka apo jo vepër penale.
“Unë do ta pres një person që e njoh, por kur kërkon një favor të caktuar, këtu kërkohet një ndarje, që nga sot e tutje ne nuk do jemi më kolegë. Nëse ka edhe elementë të tjerë, do të ndjek edhe rregullat ligjore për ta ndjekur më tej”, sqaroi Musabelliu.
Arta Mandro: Nëse unë do të vija tek ju dhe do kërkoja favore që lidhen me mua, për çështje që unë jam e implikuar dhe kam status të veçantë si do më trajtonit mua?
Doloreza Musabelliu: Favorin do te kërkonit kundrejt shpërblimit apo jo? Sepse ka rëndësi për kualifikimin, ka vepër apo jo
Doloreza Musabelliu: Unë do ta pres një person që e njoh, por kur kërkon një favor të caktuar, këtu kërkohet një ndarje, që nga sot e tutje ne nuk do jemi më kolegë. Nëse ka edhe elementë të tjerë, do të ndjek edhe rregullat ligjore për ta ndjekur më tej.
Arta Mandro: Kafe nuk do më ofronit besoj, apo kakao?
Doloreza Musabelliu: Kafe jo nuk të ofroj!
j.l./ dita
