Një i burgosur me origjinë shqiptare i dënuar për trafik droge në Itali është arratisur nga burgu i Teramos gjatë natës.
“E denjë për filma”, kështu e cilësojnë mediat italiane arratisjen spektakolare të 40-vjeçarit shqiptar.
Sipas asaj që shkruajnë mediat italiane, 40-vjeçari është ndihmuar nga jashtë me dron.
“Dyshohet se i burgosuri është arratisur falë ndihmës së një droni nga jashtë, i cili i ka siguruar mjetet e nevojshme për t’u larguar nga burgu i Teramos. Ngjarja ka ndodhur në orët e para të mëngjesit të sotëm. Për momentin janë duke u ekzaminuar regjistrimet e të gjitha kamerave të burgut për të kuptuar dinamikën e saktë të arratisjes së kryer nga i burgosuri shqiptar”, njofton policia.
