Sergio Ramos ka marrë oferta të ndryshme që pas përfundimit të aventurës me PSG-në, por ish-kapiteni i Real Madrid nuk ka firmosur akoma me klub të ri. Pasi synon të rikthehet te Sevilla, aty ku nisi karrierën si futbollist.
Dëshirë që nuk po i plotësohet. Arabia Saudite, MLS, Boca Juniors në Argjentinë dhe disa klube të ndryshme europiane janë të interesuara për qendërmbrojtësin e shquar. Mes tyre edhe Galatasaray.
Kampionët e Turqisë kanë përzgjedhur Ramos si liderin e ri të prapavijës dhe i kanë ofruar një kontratë 2-vjeçare. Me 5.5 mln euro pagë sezonale.Propozimi i klubit nga Stambolli është zyrtar dhe mbrojtësi andaluzian po e merr seriozisht në konsideratë transferimin në kryeqytetin turk.
Gjithmonë nëse në momentet e fundit nuk vjen ndonjë ofertë e parefuzueshme nga Arabia Saudite. Galatasaray do të garojë këtë sezon në grupet e Champions League, që është edhe kompeticioni i preferuar i 37-vjeçarit. I cili e ka fituar plot 4 herë me Realin e Madridit.
