8 njerëz kanë vdekur pas tërmetit 6.4 shkallë të Rihterit që ka goditur të hënën jugun e Turqisë.
Më shumë se 680 njerëz janë plagosur në Turqi dhe Siri, si pasojë e tërmetit të 20 shkurtit. Thellësia e këtij tërmeti ka qenë vetëm dy kilometra, sipas Qendrës Evropiane Sizmologjike.
Ky tërmet vjen dy javë pas dy tërmeteve mbi 7 shkallë të Rihterit që kanë lënë të vdekur mbi 44 mijë njerëz në Turqi dhe Siri.
Të vdekurit nga tërmeti i së hënës janë gjetur në qytetet Antakia, Defne edhe Samandagi, ka thënë ministri i Brendshëm turk Suleyman Soylu, duke u bërë thirrje njerëzve që të mos qëndrojnë në ndërtesat potencialisht të rrezikshme.
Soylu ka thënë se 213 njerëz janë plagosur në Turqi.
Vëzhguesi Sirian për të Drejtat e Njeriut ka thënë se 470 njerëz kanë vizituar spitalet pas tërmetit, i cili është raportuar të jetë ndier edhe në Egjipt dhe Liban.
Presidenti turk, Recep Tayyip Erdogan ka thënë ditë më parë se puna për ndërtim të gati 200.000 banesave në 11 provincat e prekura nga tërmeti në Turqi, do të nisë muajin e ardhshëm.
Watch: Dashcam footage shows the moment a fresh #earthquake hit #Turkey‘s Hatay city just two weeks after the area was devastated by a larger quake.https://t.co/GR1En4ZsA1 pic.twitter.com/yatZJ9UhHr
— Al Arabiya English (@AlArabiya_Eng) February 21, 2023
Turkey: a new earthquake of magnitude 6.4 😳
This’s said to be fracture of earth’s crust after #earthquake.
Death toll from February 21 in Turkey & Syria is 41,020 so far.
And in Syria it is difficult to know because of Bachar el-Assad politics.
Prayers. 🙏 pic.twitter.com/9MKRpbgT2O
— 🐝 Marine TRÉBAUL Ⓥ𓃟 PhD – #SDGs – #Breton (@BeeAsMarine) February 21, 2023
j.l./ dita
