Skandal në Bukuresht. Tifozët ultras me banderolë dhe thirrje “Kosova është Serbi” në shkallët e stadiumit shkaktuan një tension të paprecedentë.
Si përfundim gjyqtari thirri lojtarët të tërhiqeshin dhe ndërpreu takimin e EURO 2024, faza kualifikuese, Rumani-Kosovë. Shkak refuzimi për heqjen e parullës nacionaliste, që sipas rregullores së UEFA dënohet rëndë.
Minuta 21′, kryesori ndërpret ndeshjen. Francezi Willy Delajod e pezullon për arsyen më sipër. Një pankartë e palejueshme e ultrasve rumunë “Kosova është Serbi”, nuk hiqej nga stadiumi. Nuk munguan koret pro Serbisë nga tifozët vendas. Arbitri fton skuadrat në dhomat e zhveshjes…
Kaq ka mjaftuar që futbollistët e Kosovës të dilnin nga fusha dhe të braktisnin lojën pas fërshëllimës së arbitrit. Situata në stadium ishte e tensionuar, madje në fushë kishte edhe flakadanë dhe arbitri vendosi të ndërpresë ndeshjen. Kosova nuk pranon që ndeshja të luhet në të tilla kushte.
Delegatët e UEFA-s dhe përfaqësues nga dy skuadrat duket se pas një ore e kanë marrë një vendim nëse ndeshja do vijojë. Lojtarët kosovarë u kthyen në fushë për të vijuar, teksa u komunikua se takimi do zhvillohej, por vendasit u paralajmëruan se nëse thirrjet përsëriteshin dhe po keshtu banerat nacionaliste, atëherë do merrej masë ekstreme…
Kosova luan sonte shansin e fundit për kualifikimin në Euro 2024. Dardanët sfidojnë Rumaninë e vendit të dytë në “Arena Nationala” të Bukureshtit. Barazimi 2-2 kundër Zvicrës kryesuese, ka shtuar entuziazmin dhe besimin në kampin e skuadrës së Primoz Gliha për të siguruar triumfin e parë në grupin I.
Tekniku slloven ka bërë një ndryshim krahasuar me titullarët e përballjes të së shtunës me Zvicrën në “Fadil Vokrri”. Edon Zhegrova do e nisë ndeshjen si titullar në krahun e djathtë të mesfushës, me Betim Fazlijin që ka përfunduar në stol.
https://www.tiktok.com/@rromeo.xyz/video/7278029622988639521?is_from_webapp=1&sender_device=pc
