Duket se skandali seksual i kryebashkiakut Safet Gjici, njëkohësisht biznesmen dhe pronar i skuadrës së futbollit Kukësi si investitori kryesor, po interferon edhe tek ekipi në këto ditë “të nxehta”.
Skandali Gjici me gruan e infiltruar me emrin Alma, nuk mund të vinte në moment më të keq për ekipin.
Për herë të tretë radhazi, Kukësi nuk ia doli të siguronte pjesëmarrjen në Kupat e Europës. Një dështim që mund të konsiderohet si tragjik për klubin verilindor, që tashmë po përballet me një merkato shkatërrimtare.
Këto ditë, Kukësi ka pësuar një eksod të frikshëm, ku plot 16 lojtarë kanë konfirmuar tashmë divorcin.
Operacionit “Fshesa” deri më tani i kanë shpëtuar vetëm 4 futbollistë, të cilët mund të konsiderohen edhe si baza e ekipit në sezonin e ri.
Bëhet fjalë për Angjelo Tafa e Mbarak që kanë kontratë deri në vitin 2025 dhe Atdhe Radhiti e Lamçe që kanë firmosur deri në 2026 me Kukësin.
Të katër futbollistët kanë nisur pushimet, gjithsesi, e ardhmja mund të mos konsiderohet e sigurtë në Kukës.
Duke parë kontratat që kanë lojtarët drejtuesit mund të ndërtojnë skuadrën e ardhme rreth tyre, por deri atëherë ajo që dihet me siguri është se Kukësi ndodhet në “ajër”, pasi deri tani ka veç largime dhe asnjë afrim.
Edhe e ardhmja e trajnerit Rrahmani nuk është e sigurtë, me disa emra që po qarkullojnë për stolin.
Problemet e mbledhura në këtë moment mund të sjellin edhe një shitje të aksioneve të Kukësit për të hequr dorë kështu pas shumë vitesh nga klubi një herë kampion i vendit.
Flitet se lojtari kryesor ne ekipin e kukesit me nr. 10 do jete vete Safet palla i cili do luaje ne sulm me pallen ne dore per derguar Kukesin ne finalen e Europes