Mbrëmjen e sotme besimtarët e krishterë në të gjithë botën festojnë ‘natën e Krishtlindjeve’.
Kjo mbrëmje pasohet nga Dita e Krishtlindjeve, të nesërmen më 25 dhjetor.
Kjo natë cilësohet ndryshe si “Nata e Shenjtë” ose “Nata e Mirë” pasi besimtarët e krishterë përkujtojnë lindjen e Jezu Krishtit. Një prej traditave që respektohet çdo vit në këtë natë të shentjë është mbledhja e familjarëve dhe miqve dhe dekorimi i pemëve deri tek shpërndarja e dhuratave.
Megjithatë bota katolike dhe ajo ortodokse duket se kanë disa ndryshime sa i përket riteve fetare. Besimtarët katolikë festojnë vigjiljen e krishtlindjeve gjatë mbrëmjes së datës 24 dhjetor ndërsa sa i përket besimtarëve ortodoksë ceremonia zhvillohet gjatë paradites së datës 25 dhjetor.
Për katolikët, mesha e madhe në Katedrale nis kur ora të shënojë 00:00.
Krishtlindjet në botë festohen si një traditë e hershme, prej mbi 2 mijë vitesh. Çokollatat dhe frutat përbëjnë shportën e shijeve në këto ditë festash. Në festën e Krishtlindjes dhurohet paqe, harmoni, mirëkuptim dhe dashuri për njerëzit më të dashur.
Në vigjilje të Krishtlindjeve, edhe bashkia e Tiranës është kujdesur për të ofruar një mjedis sa më festiv, që nis me koncerte në sheshin kryesor që nga ora 19:30 që nis me orkestër simfonike dhe i bashkohet edhe kori i fëmijëve.
I gjithë eventi është organizuar si udhëtim në kohë e stile muzikore. Është ndërtuar si rrjedhë e natyrshme materialesh të cilat ngjizen me njëra-tjetrën mbi bazën e tematikës së dashurisë, familjes dhe frymës pozitive të Krishtlindjeve.
Korça, ashtu si qytete të tjera është më i vizituari. Në sheshin kryesor të qytetit, ka qytetarë nga Tirana të cilët kanë zgjedhur Korçën për të kaluar pushimet e fundivitit dhe shprehen se atmosfera festive ndihet aty më së shumti.
Historia e Pemës së Krishlindjes
Pema e Krishtlindjes është një prani fikse në ditën e Krishtlindjes. Por cila është historia e saj? Si lindi tradita e zbukurimit të pemës së Krishtlindjes? Pastaj; cilët janë llojet e pemëve që përdoren, sa pemë shiten, cilët janë pemët më të larta, më të famshme, më të çuditshme në botë?
Duket se pema e parë e Krishtlindjes është përdorur në Letoni rreth vitit 1500. Por vetëm në vtitin 1841 princi Albert, bashkëshorti i Viktorias, futi në Angli zakonin e përdorimit të pemës së krishtlindjes si zbukurim.
Duke parë përdorimin e madh të këtij elementi dekorativ, ekzistojnë “ferma” të tëra, të cilat kultivojnë pemët e destinuara posacërisht për festën e Krishtlindjes. Kompania e parë e këtij lloji u krijuan në vitin 1901 në SHBA.
Por për çdo pemë të prerë, kultivohen mesatarisht tre të tjera. Pothuajse një milion pemë Krishtlindjesh hidhen në plehra çdo vit vetëm në Londër. As 10% nuk riciklohet.
Përdorimi i pemës së Krishtlindjes me dritat elektrike ishte një ide e Edëard Johnson në vitin 1882, që ishte asistent i Thomas Edison.
Për sa i përket lartësisë, pema e Krishtlindjes më e lartë në botë është ajo e Vatikanit, në sheshin e Shën Pjetrit, me një gjatësi prej 30 metra.
j.l./ dita