Albina Kelmendi së bashku me familjen e saj do të performojnë këngën ‘Duje’ mbrëmjen e sotme në Eurovizion 2023.
Së fundmi, Kelmendi ka dhënë një mesazh për emisionin “Good Morning Albanians”, ku u shpreh e bindur se me mbështetjen e shqiptarëve do të shkojnë në finale.
“Përshëndetje të gjithë shqiptarëve anë e mbanë botës. Sot është momenti që të ngjitemi në skenën e madhe të Eurovizion. Ju falenderojmë për mbështetjen e deri tanishme dhe të gjithë dashninë që na keni dhënë. Vota juaj do të na dërgojë në finale. Nuk kam dyshim që do shihemi në finale sepse e di që shqiptarët e kanë zemrën e madhe. Ju duam shumë dhe faleminderit që na keni mbështetur”, tha ajo.
Shqipëria do të përfaqësohet nga këngëtarja Albina Kelmendi dhe familja e saj me këngën “Duje” ne Eurovizion.
Shfaqja do nisë rreth orës 22:22 me orën lokale (ose në orën 21:22 në Angli).
j.l./ dita
