Presidenti kinez Xi Jinping do të zhvillojë një vizitë treditore në Moskë, vetëm pak ditë pas urdhër arrestit të lëshuar nga Gjykata Penale Ndërkombëtare në Hagë ndaj presidentit rus Vladimir Putin me akuzën për krime luftë.
Ai ka deklaruar se propozimi i planit të paqes të Pekinit pasqyron pikëpamjet e komunitetit botëror për afrimin e konfliktit, por pranoi se nuk ka rrugë të lehtë për t’i dhënë fund luftës.
Ai përsëriti pozitën e paanshme të vendit të tij për luftën, duke shtuar se Kina është përpjekur të promovojë pajtimin dhe negociatat e paqes.
Presidenti rus Vladimir Putin ka deklaruar se Rusia dhe Kina po luftojnë kërcënimet e përbashkëta teksa mirëpret presidentin Xi Jinping.
Siç raportojnë mediat e huaja, presidenti rus e përshkroi vizitën e Xi si një ngjarje historike që ripohon natyrën e veçantë të partneritetit Rusi-Kinë.
Xi ka kthyer favorin në të përditshmen e Kremlinit ‘Rossiiskaya Gazeta’, duke pretenduar se një plan paqeje prej 12 pikash i hartuar nga Pekini muajin e kaluar për t’i dhënë fund luftës në Ukrainë pasqyron unitetin e pikëpamjeve të komunitetit botëror.
Vizita e liderit kinez të hënën është e para nga një lider i huaj që nga lëshimi i një urdhër-arresti për homologun e tij rus nga Gjykata Penale Ndërkombëtare.
Ministrat e drejtësisë nga më shumë se 40 vende, duke përfshirë britanikun Dominic Raab, do të jenë më vonë në Londër për të mbështetur hetimin për krimet e dyshuara të luftës përfshirë edhe rrëmbimin e fëmijëve.
j.l./ dita
