SpaceX ka dërguar në hapësirë një satelit të ri GPS për ushtrinë amerikane.
Dërgimi i satelitit vjen në vazhdën e përpjekjeve për të forcuar plejadën e pozicionimit global dhe satelitëve të navigimit që mbështesin aplikacionet e smartfonëve dhe operacionet e kohës së luftës.
Sateliti GPS u lëshua nga raketa Falcon 9 në orën 7:24 të mëngjesit me orën lokale nga Stacioni Hapësinor Cape Canaveral në Florida.
SpaceX konfirmoi lëshimin e satelitit me një video të ndarë në llogarinë e tyre në Twitter.
Në këtë mision u transportua anija e gjashtë kozmike në një gjeneratë të re satelitësh GPS, të quajtur GPS III, në një orbitë rreth 20,200 km mbi sipërfaqen e Tokës. Në këtë orbitë aktualisht operojnë më shumë se 30 satelitë GPS.
Ata rrotullohen rreth planetit një herë në çdo 12 orë dhe transmetojnë vazhdimisht sinjale radio për të përcaktuar vendndodhjen e saktë të objekteve në tokë.
Deployment of the GPS III Space Vehicle 06 confirmed! pic.twitter.com/ACoHueuGqH
— SpaceX (@SpaceX) January 18, 2023
j.l./ dita
