Partia Demokratike ka depozituar një tjetër kërkesë për mbledhjen e Këshillit të Mandateve dhe Imunitetit lidhur me çështjen e Belinda Ballukut.
SPAK kërkon heqjen e imunitetit të saj në kuadër të hetimeve që po zhvillohen me qëllim caktimin e një mase sigurie ndaj saj.
Pesë anëtarët e PD-së kanë bërë një përpjekje të re për të mbledhur këtë organ parlamentar, me qëllim që të shqyrtohet kërkesa e SPAK për dhënien e autorizimit për arrestimin e Ballukut.
Ditën e djeshme socialistët nuk u paraqitën në mbledhje, duke argumentuar se Këshilli do të mblidhet vetëm pasi të jenë dhënë vendimet përkatëse nga GJKKO dhe Gjykata Kushtetuese.
Sot, demokratët nuk humbën kohë dhe depozituan një tjetër kërkesë për zhvillimin e saj.
j.l./ dita
