Për të gjashtën herë, Prokuroria e Posaçme ka shtyrë afatet hetimore për ish-zv.kryeministrin Arben Ahmetaj, i cili po hetohet në lidhje me dosjen e inceneratorëve, për veprat penale korrupsion, pastrim parash dhe fshehje pasurie.
Veprimet komplekse që po kryen prokuroria e posaçme kanë bërë të nevojshme shtyrjen e hetimeve deri më 22 mars 2026.
Sipas dispozitave ligjore, kjo është hera e fundit që SPAK mund të shtyjë hetimet ndërsa më pas do të vendosë për dërgimin ose jo për gjykim të çështjes.
Arben Ahmetaj u shpall në kërkim më 10 korrik 2023, me urdhër të Prokurorisë së Posaçme Antikorrupsion, nën dyshimin për kryerjen e veprave penale “korrupsion”, “pastrim parash” dhe “fshehje pasurie”.
j.l./ dita
