Një ekip kirurgësh në Spanjë ka kryer me sukses transplantin e parë robotik të mushkërive në botë. Transplantet e mushkërive njihen si operacione komplekse pasi kraharori i pacientit duhet të hapet.
Transplantet e mushkërive njihen si operacione komplekse pasi gjoksi i pacientit duhet të hapet. Gjatë procedurës, bëhet një prerje rreth 30 cm dhe priten brinjë për të hequr dhe zëvendësuar një mushkëri të sëmurë me një mushkëri të shëndetshme njerëzore nga një dhurues.
Por teknologjia e re e përdorur nga ekipi spanjoll nuk kërkon më thyerjen e brinjëve të pacientit.
Në vend të kësaj, kirurgët në spitalin Vall d’Hebron në Barcelonë përdorën prerje më të vogla në anën e kafazit të kraharorit për të akomoduar krahët e robotit dhe kamerat 3D.
Sipas Jaureguit, procedura e re është më pak e dhimbshme për pacientin pasi plaga mbyllet më lehtë.
Xavier, 65 vjeç, u bë pacienti i parë në botë që iu nënshtrua një operacioni plotësisht robotik të mushkërive.
Roboti me katër krahë quhet Da Vinci, një sistem kirurgjik robotik i përdorur zakonisht në spitalet në të gjithë Evropën dhe SHBA-në për kirurgjinë kardiake, urologjike, gjinekologjike, pediatrike dhe të përgjithshme.
“Spanja është një lider botëror në transplantet e organeve, sipas shifrave nga Observatori Global për Donacionet dhe Transplantimet, duke kryer 5 për qind të dhurimeve të organeve në mbarë botën në vitin 2021” citon Euronwes.
p.k\dita
