Supersfida e javës së parë të Premier League, Chelsea-Liverpool mbyllet në paqe dhe baraspeshë. Ndeshja ishte shumë e fortë, me “The Reds” që gjetën avantazhin në minutën e 18’ me Diaz.
Ndërkohë në minutën e 29’ Salah gjeti rrjetën, por pas verifikimit në VAR goli i tij u anulua për pozicion jashtë loje. Nga Chelsea reaguan shpejt dhe gjetën barazimin në minutën e 37’ me Disasi, me francezin që debutoi me gol te “blutë” e Londrës.
Më pas Chilwell gjeti rrugën drejt rrjetës, por goli i tij u anulua për pozicion, duke “barazuar” edhe në këtë aspekt. Pjesa e dytë solli sërish spektakël, megjithatë në fund gjithçka u mbyll me vetëm dy gola, dhe me barazim.
