Një fenomen i pazakontë dhe spektakolar u pa mbrëmjen e pak ditëve më parë mbi parkun kombëtar Bannau Brycheiniog në Uells. Astronomi Allan Trow raportoi se një formacion qiellor i pazakontë u shfaq rreth orës 20:00 me orën lokale.
Sipas Troë, ai e kishte vëzhguar një dukuri të ngjashme rreth katër vite më parë, por theksoi se raste të tilla janë mjaft të rralla. Ai u shpreh se burimi më i mundshëm i fenomenit ishte një raketë e lëshuar nga SpaceX.
Ndër personat që panë fenomenin ishte edhe Sonia, një astronome amatore nga Stockport, e cila ndodhej jashtë me teleskopin e saj kur pa atë që e përshkroi si “një galaksi që rrotullohej dhe lëvizte nëpër qiell”.
Drita e pazakontë u pa edhe nga banorë të tjerë, deri në distanca prej gati 200 miljesh (321 km) larg. Por pavarësisht se pati nga ata që nxituan ta quanin UFO, SpaceX konfirmoi në rrjetin social X se gjithçka ishte shkaktuar nga një mision sekret i Zyrës Kombëtare të Zbulimit të SHBA-së. Edhe Qendra Hapësinore Kennedy raportoi se misioni ishte në bashkëpunim me këtë zyrë, duke shtuar misterin rreth qëllimeve të tij.
Pavarësisht spekulimeve të shumta nga vëzhguesit, shumica e ekspertëve pajtohen se fenomeni i rrallë ishte rezultat i lëshimit të raketës së SpaceX dhe ndriçimit të avujve të karburantit në hapësirë.
j.l./ dita
