Sekretari i Përgjithshëm i NATO-s, Jens Stoltenberg deklaroi se presidenti rus, Vladimir Putin nuk tregon asnjë tregues se dëshiron paqe dhe se ai duhet të kuptojë se nuk mund ta fitojë luftën në Ukrainë. Ai tha se duhet të vazhdojnë t’i ofrojnë Ukrainës armët që i nevojiten për për të rimarrë territorin.
“Pothuajse një vit që nga pushtimi i tij brutal, presidenti Putin nuk tregon asnjë shenjë se po përgatitet për paqe. Përkundrazi, ai po fillon ofensiva të reja dhe po synon civilët, qytetet dhe infrastrukturën kritike.
Putini duhet të kuptojë se ai nuk mund të fitojë, dhe për këtë, ne duhet të vazhdojmë t’i ofrojmë Ukrainës shpejt armët dhe municionet që i nevojiten për të rimarrë territorin dhe për të mbizotëruar si një komb sovran në Evropë”, u shpreh Stoltenberg në një konferencë të përbashkët shtypi me presidentin polak, Andrzej Duda, në Bruksel.
Stoltenberg theksoi se NATO po ndërmerr hapa të mëtejshëm për të forcuar mbrojtjen e aleancës.
m.b./dita
