Më shumë se 1 milionë dollarë kokainë është gjetur në një plazh në Florida Keys gjatë stuhisë së fundit Debby. Patrulla Kufitare e SHBA tha se një person gjeti paketimet që përmbanin 32 kg drogë dhe kontaktoi autoritetet.
Patrulla Kufitare nuk ka zbuluar vendndodhjen e saktë se ku u gjet droga por ka shpërndarë foto të kokainës së paketuar me një trekëndësh të kuq në etiketë. Personi që gjeti pakot – një plazhist – e zbuloi atë të mbështjellë brenda një qeseje të zezë midis algave të detit, gjetheve dhe mbeturinave të tjera.
Stuhia Debby zbarkoi në SHBA si një stuhi e kategorisë 1 të hënën në mëngjes, me erëra që arrinin 80 milje në orë. Që atëherë, ajo është reduktuar në një stuhi tropikale – dhe duket se do të sjellë shi dhe përmbytje ndërsa shkon në veri për në Xhorxhia, Karolinën e Veriut dhe Karolinën e Jugut.
Droga shpërndahet shpesh në plazhet jugore të Floridës dhe ujërat përreth ndërsa kontrabandistët trafikojnë substanca nga Amerika e Jugut në SHBA.
Hurricane Debby blew 25 packages of cocaine (70 lbs.) onto a beach in the Florida Keys. Good Samaritan discovered the drugs & contacted authorities. U.S. Border Patrol seized the drugs, which have a street value of over $1 million dollars.#Hurricane #Debby #Florida #floridakeys pic.twitter.com/nsjKu6qm8V
— Samuel Briggs II (@USBPChiefMIP) August 5, 2024
i.b./dita
