Ditën e sotme në Gjykatën e Posaçme do të mbahet seanca gjyqësore ku do të shqyrtohet kërkesa e të shumëkërkuarit Suel Çelës për lehtësim të masës së sigurisë “arrest në burg”. Seanca për shqyrtimin e kësaj kërkese që u caktua pas operacionit “Plumbi i artë” pritet të zhvillohet rreth orës 13:00. GJKKO i caktoi Çelës masën e sigurisë arrest në burg, pas dëshmisë së Nuredin Dumanit. Sipas SPAK ai porositi vrasjen e biznesmenit Lulzim Masha pranë Liqenit Artificial në Tiranë. Po ashtu dyshohet se ka porositur edhe vrasjen e Elton Kilës.
Ndërkohë një tjetër masë sigurie “arrest në burg” u caktua ndaj tij pas një operacioni të organizuar nga SPAK në Elbasan. Çela i njohur edhe me emrin Marjus Lulaj akuzohet nga Prokuroria e Posaçme si kreu i një grupit kriminal që ka organizuar disa atentate dhe trafikonte lëndë narkotike nga vendet e Amerikës Latine në shtetet e Evropës. Operacioni i SPAK ku u goditën disa nga anëtarët e grupit kriminal të Çelës dhe bashkëpunëtorë të tij erdhi pas zbërthimit të disa bisedave në SKY ECC. Ky grup kriminal akuzohet se ka ushtruar ndikim përmes akteve korruptive në segmente të caktuara të sistemit të drejtësisë, policisë së shtetit dhe medias.
Si drejtuesi i organizatës, Suel Çela përgjegjës për menaxhimin dhe koordinimin e aktiviteteve kriminale, përfshirë vrasjet, trafikimin ndërkombëtar të drogës, kryerjen e veprimeve korruptive dhe organizimin e skemave të pastrimit të parave. Ndërsa isa nga anëtarët me role kyçe si; Mario Çela, Ado Xhika (alias Elkier Cerriku alias Ado Cerriku), Marsel Shega (alias Bujar Shega), Klaus Matishi (alias Klaus Çopja alias Kledjan Çopja), Xhino Roka, etj., ishin pjesë operative e organizatës, të angazhuar në planifikimin dhe ekzekutimin e veprave të rënda penale, përfshirë vrasje me paramendim dhe trafikun e narkotikëve.
j.l./ dita
