Është rënduar bilanci i sulmit terrorist në tregun e Krishtlindjeve në Gjermani, ku një makinë u fut me shpejtësi mes turmës së njerëzve.
Media gjermane Bild shkruan se të paktën 11 persona kanë humbur jetën dhe mbi 80 të tjerë janë plagosur.
Ndërkohë që autoritetet aktualisht kanë konfirmuar vetëm dy viktima.
Kryeministri i Saksonisë-Anhalt, Reiner Erich Haseloff ka njoftuar se ka pasur të paktën dy viktima – përfshirë, sipas tij, një fëmijë.
Policia ka arrestuar autorin e sulmit, një burrë nga Arabia Saudite i lindur në vitin 1974, i cili prej vitit 2006 punonte si mjek në Gjermani. Ai thuhet se e kishte marrë me qira makinën e krimit pak para sulmit. Makina me të cilën autori hyri në turmë ka ecur me shpejtësi skëterre për të “të paktën 400 metra në tregun e Krishtlindjeve” në Magdeburg.
i.b./dita
