Kryeministri Edi Rama ka kërkuar që autoritetet të zbardhin sulmin me kallashnikov ndaj Top Channel, ngjarje ku mbeti i vrarë roja i sigurisë, Pal Kola.
Në një postim në rrjetet sociale, Rama shkruan se kjo ngjarje shënon një moment shqetësues.
Ai shpreh ngushëllimet kundrejt familjes së të ndjerit dhe shton se ky sulm kërkon përgjigje të qartë nga agjencitë ligjzbatuese.
Postimi i Ramës:
Agresioni kriminal ndaj TCH me pasojë edhe një humbje jete të personelit të sigurisë, kërkon përgjigje të qartë nga agjencitë ligjzbatuese!
Ngushëllime familjes së të ndjerit dhe krejt bashkësisë së TCH, e cila meriton solidaritetin e të gjithëve në këtë moment kaq shqetësues.
Agresioni kriminal ndaj TCH me pasojë edhe një humbje jete të personelit të sigurisë, kërkon përgjigje të qartë nga agjencitë ligjzbatuese! Ngushëllime familjes së të ndjerit dhe krejt bashkësisë së TCH, e cila meriton solidaritetin e të gjithëve në këtë moment kaq shqetësues!
— Edi Rama (@ediramaal) March 27, 2023
Ngjarja ndodhi rreth orës 01:00. Persona të paidentifikuar u afruan pranë Top Channel me një automjet tip ‘Range Rover’ me targa të vjedhura dhe qëlluan me breshëri kallshnikovi kundrejt ambienteve të televizionit.
Një nga plumbat kapi rojen e sigurisë, Pal Kola, 60 vjeç, i cili ndërroi jetë. Autorët u larguar nga vendngjarja, ndërsa mjeti bashkë me dy kallshnikovët u gjetën duke u djegur. Shkaqet e ngjarjes nuk dihen ende.
j.l./ dita
Mos kane qene fansat e Kiarës nore aman, pse e nxorret nga Big Bradheri, pune dhipash me nje fjale hahaaa 🙂
Ngushellime atij te mjerit, Shqiperia eshte plot me te cmendur i ka cmend politika
Ky Top Chanalli me ate big Brotherin psoi si ata kalamajte qe luanin me shkrepse dhe i vune flaken shtepise.
I pafshi Hajrin Big Brotherit,