Konstadin Dramolli, i njohur si “Çekiçi 14” është i riu që para dy ditësh në shenjë proteste kundër vendimit të kryeministrit Rama për lirimin e hapësirave publike vendosi të thyejë xhamat e bashkisë së Korçës.
Në një intervistë për mediat ai tha se nuk pendohet për veprimi i tij të cilin me vetëdije e bëri viral në rrjetet sociale, pasi sipas tij ajo që po bëjnë kryeministri dhe kryetari i bashkisë është padrejtësi ndaj familjeve që ushqehen me ato biznese.
“E ka marrë vesh gjithë Shqipëria incidentin, e bëra dhe viral se populli nuk duhet të jetë shumë i fjetur, duhet të çohet e të tregojë se kush është karakteri i njeriut. Këtu në vendin ku ndodhem unë është e rrënuar, janë lokalet, të shkatërruara. E dha urdhrin Edi Ramën. Shkatërruan lagjen time. Ç’lidhje ka kjo, të heqim karriget, heqim barishtet. Edhe tavolinat, është gabim. Nga ato 4 tavolina njerëzit ushqehen. Ka shumë familjare që nxjerrin bukën e gojës.
Ka sulmuar disa lokale në Korçë, nuk janë sjellje prej kryeministri. Duhet të shohë popullin, që ka nevojë. Duhet të ngrejë rrogat. Unë merrem me rep por e mbaj edhe postin e kryeministrit një ditë. Nuk pendohem unë, ishte vendim i drejtë. Nuk duhet të flesh gjumë. Ndihem mirë. Edhe burg e bëj. Kam qenë i dënuar. Duhet të ulesh kokën, të kesh kulture. Por po e ule shumë, nuk ka rëndësi sa i madh është Rama, populli duhet te ngrejë zërin. Në qoftë se ai vazhdon, do behet me e madhe. Kam edhe çunat unë. Do e marrin vesh si duhet”, tha ai
j.l./ dita
