Në prag të takimit mes kryeministrit të Kosovës, Albin Kurti, dhe presidentit serb, Aleksander Vuçiç, Shtetet e Bashkuara ripërsërisin mbështetjen për propozimin e Bashkimit Europian, për normalizimin e marrëdhënieve, si dhe u bëjnë thirrje palëve të jenë më konstruktivë.
“Ne presim që të dy udhëheqësit t’i qasen takimit me frymë konstruktive të nevojshme për të ecur përpara”, tha Departamenti Amerikan i Shtetit.
Në bisedimet e 27 shkurtit, pritet të diskutohet i ashtuquajturi plani franko-gjerman, i mbështetur nga SHBA-ja, i cili nuk parashikon njohje për angazhim e të dyja vendeve për të mos penguar proceset integruese të njëri-tjetrit. Në një përgjigje për Zërin e Amerikan Departamenti i Shtetit tha se marrëdhëniet e normalizuara duhet të nënkuptojnë njohjen reciproke.
“Serbia dhe Kosova duhet të arrijnë një marrëveshje gjithëpërfshirëse përmes dialogut. Ne besojmë se marrëdhëniet e normalizuara ndërmjet Kosovës dhe Serbisë në fund të fundit duhet të synojnë njohjen reciproke. Progresi në dialog do të hapë derën e integrimit evropian dhe është thelbësor për sigurinë dhe stabilitetin në Ballkanin Perëndimor”.
Ndërmjetësuesit ndërkombëtarë e prezantuan planin para autoriteteve në të dyja vendet në shtator të vitit 2022. Propozimi është pranuar në parim nga liderët e të dyja vendet, por në një prononcim ditën e enjte, Kurti tha se ai nuk ishte produkt i negocimit.
o.j/dita