Takimi me shqiptarët, Rama mbërrin në pallatin e sportit në Milano, kush e shoqëron

Kryeministri Edi Rama në kuadër të turit të takimeve me diasporën, ka mbërritur në pallatin e sportit në Milano për takimin që do të zhvillojë me shqiptarët.

Përmes një postimi në Facebook, Rama e ka cilësuar takimin e sotëm, si “vallja e dytë kuqezi në Europë”.

Takimi ka nisur me perfomancën e këngëtarëve shqiptarë si Noizy, Artjol Toska, Elhaida Dani, Alban Skënderaj.

Rama shihet i shoqëruar nga bashkëshortja e tij Linda Rama, disa ministra të kabinetit qeveritar, kryebashkiaku i Tiranës Erion Veliaj dhe disa kryebashkiakë të tjerë.

Kryeministri nisi më 12 maj në Athinë një turne që synon mbledhjen e mbështetjes për Partinë e tij Socialiste edhe në mesin e diasporës shqiptare.

Anëtarësime të reja në PS dhe investime në Shqipëri janë qëllime të deklaruara të Ramës.

Ndalesa të radhës pas Italisë, pritet të jenë Gjermanina dhe Mbretërinë e Bashkuar.

Në Athinë ai u takua me mijëra emigrantë, përfaqësuesit e të cilëve thonë se kishin pritje më të mëdha prej tij, në lidhje me disa probleme me të cilat përballen.

Në Shqipëri, pushteti e cilësoi takimin si të frytshëm, ndërsa opozita si “propagandë”.

Gjatë takimit me emigrantët në një sallë të stadiumit “Galatsi” në kryeqytetin grek, Rama bëri thirrje për një histori të re në marrëdhëniet Shqipëri-Greqi.

j.l./ dita