Gjatë një takimi vendimtar të udhëhequr nga SHBA-të për rritjen e ndihmës ushtarake për Ukrainë, Gjermania tha se nuk ka marrë ende asnjë vendim për tanket e kërkuara nga Kievi, pavarësisht një lutjeje emocionale nga presidenti Volodymyr Zelensky.
Ministri gjerman i Mbrojtjes Boris Pistorius u tha gazetarëve në margjinat e ngjarjes se “ne ende nuk mund të themi se kur do të merret një vendim dhe cili do të jetë vendimi, kur bëhet fjalë për tankun Leopard”.
Ai gjithashtu mohoi akuzat se vetëm Gjermania po bllokonte dërgesat e tankeve.
Përshtypja se “ka një koalicion të bashkuar dhe se Gjermania po qëndron jashtë saj është e gabuar”, tha ai.
Pistorius shtoi se ai ka urdhëruar një grumbullim të ‘Leopard’s’ në mënyrë që veprimi të mund të pasojë shpejt nëse vendimi do të ishte pozitiv për dorëzim.
Kievi dëshiron që tanket e fuqishme Leopard të bëjnë ofensivë kundër trupave ruse, por Kremlini ka paralajmëruar se shpërndarja e tyre nga Perëndimi do të përbënte një përshkallëzim “jashtëzakonisht të rrezikshëm”.
Përshtypja se “ka një koalicion të bashkuar dhe se Gjermania po qëndron jashtë saj është e gabuar”, tha ai.
Pritshmëritë u rritën përpara takimit në bazën ajrore Ramstein në Gjermani se aleatët perëndimorë të Ukrainës do të pranonin të dërgonin tanke “Leopard” të prodhimit gjerman, mes presionit në rritje nga disa vende evropiane për ta bërë këtë.
Hezitimi i deritanishëm i Gjermanisë për furnizimin e tankeve ka çuar në kritika të ashpra ndaj Berlinit nga vende të tjera si Finlanda dhe Polonia, të cilat kanë rezervat e tyre të Leopard’s, por do të kishin nevojë për miratimin gjerman për t’i dërguar ato.
Zelensky rinovoi të premten lutjen e tij për aleatët perëndimorë që të “përshpejtojnë” dërgesat e armëve në Ukrainë, ndërsa ai iu drejtua konferencës, e cila mblodhi përfaqësues nga 50 vende, përmes një lidhjeje video.
Partnerët duhej “të mos bënin pazare për numra të ndryshëm tankesh, por të hapnin atë furnizim kryesor që do të ndalonte të keqen”, tha udhëheqësi ukrainas.
Bëjeni takimin një “Ramstein të tankeve”, tha Zelensky, duke bërë thirrje që mbledhjet e ardhshme “të hyjnë në histori si Ramstein i F-16-ve dhe raketave me rreze të gjatë”.
Mikpritësi i takimit, Sekretari i Mbrojtjes i SHBA-ve, Lloyd Austin, u kërkoi aleatëve të “gërmojnë edhe më thellë” për të mbështetur Ukrainën me armatim në një moment vendimtar, duke vënë në dukje se Rusisë “po i mbarojnë municionet dhe po pësojnë humbje të konsiderueshme në betejë”.
“Ky është një moment vendimtar për Ukrainën. Populli ukrainas po na shikon, Kremlini po na shikon dhe historia po na shikon”, tha Austin.
